YOUTH Magazine

إعلان

إعلان

حوار خاص مع اليوتيوبر التونسي “ياسر مشاط” صاحب قناة “تقشقيش أحناك”

في سنوات قليلة أصبح يوتيوب ثاني أشهر محرك بحث في العالم مع شركة جوجل والتي دفعت الناس لترك التليفزيون والإقامة أمام شاشات الكمبيوتر في التهام شرس لمحتوى الإنترنت، مما أتاح للكثير نشر فيديو خاص به لينتشر بنقرة واحدة كالفيروس أيًا كان مضمونه، فربما تكون أحد المحظوظين وتكون فرصتك الأسهل لكسب المال وهي تلك الفرصة التي يكللها النجاح فور إنشاء حسابك الخاص على يوتيوب.

بعد الثورة، و إزالة الحجب على موقع اليوتيوب في تونس، انطلق العديد الشباب نحو الشهرة بنشر الفيديوهات الخاصة بهم حيث تنوع المحتوى من النقد، السكاتشات، الفضائح، الاغاني، نصائح في الموضة، طرح مواضيع و ابداء رأي، إلخ…

هذه المرة اخترنا لكم قناة “تقشقيش أحناك – T9ach9ich A7nek” ليــاسر مشاط.

شكونو “ياسر مشاط” ؟؟

*يــاسر مشاط: ياسر هو شـاب تونسي كأيها الناس مغروم برشة حاجات منها صناعة الفيديوات على اليوتيوب

بداياتك مع اليوتيوب.. كيفاش بديت و كيفاش جاتك الفكرة باش تعمل قناة في اليوتيوب

*يــاسر مشاط: قبل ما نبدا نعمل فيديوات كنت نعدي سوايع يوميا كمستخدم عادي نتفرج في فيدوات يوميا. و شخصيا نهار كامل إنبر و ماهو عاجيبني شيء. يعاد قلت نقشقش أحناكي ع اليوتيوب و نعمل مختوى ساخر. خاطر في تونس وقتها اليوتيوب كان مجعول كان للقامينغ و ماكياج و فيديوات لي تضحك كهو. فماش محتوى يحكي ع المجتمع بسخرية. قلت علاش لا

شنية أكثر حاجة خلات التوانسة و الشباب يتبعوك؟ هل كنت تتصور توصل للمستوى هذا ؟

*يــاسر مشاط: نتصور كيف حكيت على مواضيع جدية كيف التعليم و إلا الإختلاف و إلا حقوق المرأة ماحكيتش علا ها المواضيع بلغة خشبية و باردة لي مستانسين بيها. لعباد عجبهم التقشقيش خاطر نحكي بلغة التونسي البسيطة المفهومة. و كيف تزيد عليها السخرية و التنبير لي التونسي معروف بيه هكا علاه حبو تقشقيش أحناك.

و الحق مانيش شنقلك كيف ليوتيوبرت لخرين لا عمري ما توقعت نهار نوصل هكا و ماللول بديت فيديوات عالجو. الهدف متاعي هو أنوا صوتي يوصل لأكثر عباد هاكة علاه بديت اليوتيوب نحب نوصل صوتي. لي ماكنتش متوقعوا هو أنوا الفيديواة و القناة ينجحوا بالسرعة هاذي. خاطر صعيب أنك تحكي على مواضيع الإختلاف و تنقد المجتمع و تحكي على مواضيع جدية و تلقا برشا يتفرجوا. على خاطر التونسي عامة يميل للمحتوى لي يضحك هكة علاه فرحت كيف لقيت تجاوب كبير من الناس

حكيت في برشا مواضيع.. مثل التعليم في تونس، الفرق بينو و بين التعليم في أمريكا، البرامج التلفزية في تونس، المنح و الدراسة بالخارج، لغة، نصائح، تقشقيش، إلخ.. شنية الهدف متاعك من تقديم هذا المحتوى المتنوع؟ علاش ما اخترتش مجال معين تحكي فيه ديما ؟

*يــاسر مشاط: الهدف من هذا هو طرح وجهة نظر مختلفة. واحد من الناس فديت من العقلية السائدة في تونس. و حكيت في المواضيع هاذي لكل حبيت نطرح وجهة نظر أخرى. حبيت نقول للعباد راهوا فمة أفكار أخرى راهوا فمة أمل راهك تنجم. و هذا هو المجال لي خترتوا مجال السخرية و النقد.

رايك في اليوتيوبر التوانسة و محتوى اليوتيوب في تونس…

*يــاسر مشاط: كيف تقارن اليوتيوب التونسي قبل عامين و 3 سنين لقاو رواحنا طورنا برشا. الشركات والات تستعرف باليوتيوبر و تعملو قدر. و الإعلام ولا يغزر لصناع المحتوى موش ك فروخ يعملوا في فيدوات بل كعباد تجم تأثر.

لكن كي تجي تقارن اليوتيوب التونسي ب بقية البلدان العربية- خاطر حرام أصلا أنك تقارنوا بامريكا و فرانسا و إسبانيا- البلدان العربية هربيت بينا هروب. صناع المحتور العرب و شمال إفريقيا قادرين أنهم يحولوا اليوتيوب من هواية إلى خدمة و عمل و مصدر رزق. لكن للأسف نحنا في تونس 99 بالمئة من اليوتيوبرز مازلنا في مرحلة الهواية.

أهدافك المستقبلية.. بعد اليوتيوب شنية فمة جديد

*يــاسر مشاط: و الله ما نعرف مازالي شهر هوني في أمريكا و بعد نرجع لتونس. و وقتها نبددا نخطط لجديد. أما نأكدلكم لي في الصيف المحتوى شيتحسن برشا. و مانيش نفدلك كيف نقلكم ستناو وجه جديد لتقشقيش في الصيف

و في الإخر نقلكم يعطيكم الصحة ع المجهود لي تخدموا فيه و شكرا على الأنترفيوا هذا 

 

 

يمكنكم متابعة ياسر عبر هذه الروابط:

Facebook Comments